السلااااااااااااااااااااااااااام عليكـــم رحمـــة اللــــــهـ و بركاـــــتهـ
شحالكم؟؟
علومكم؟؟؟؟
عساكم دووووم طيبين
مليت من روتين القصص فبديت اكتب هذي القصه ....ان شالله تعيبكم
واللي يبغي يقراها .......لازم يبند الليت و يقراها
.......................االرعب في جامعة بوظبي.........................
في يوم من الايام ..كانت مريم ماخذه اجازه من الدوام عشان تريح من ضغط الشغل ..وهي يالسه في مطبخ بيتهم اليديد سمعت صوت ولدها الصغير سلطان اللي عمره 3 سنوات
مريم:فديييت سلطاني, من يوم ما قام يرمس و صوته مالي البيت
طلعت مريم من المطبخ .. لانها تبغي تعرف مع منو يالس يرمس لان الخدامه كانت واقفه معاها
مريم : هذا مع منو يتكلم ..خوانه بعدهم ما ردوا من المدرسه ؟؟
راحت الحوي لانه سلطان كان يلعب بالسيكل..و شافته يتكلم و يضحك من الخاطر
ابتسمت مريم وقالت: سلطان منو تكلم ؟؟
سلطان صد صوبها و ابتسم
مريم : سلطاني تعال هني
سلطان وهو ساير صوبها و يضحك : ماما .. هي تقول انها كانت تعرفج ايام الجامعه
مريم و هي تظحك :منو ؟؟ الشجره؟؟
سلطان : لا
مريم : عيل منو ؟؟
سلطان : ساره
هني مريم تغيرت تعابير و يهها واستوى لونها اصفر .... تمت تطالع الزرع وبعدين سحبت و لدها بسرعه و دخلت البيت, تمت خايفه وتقرا المعوذات و ما عرفت شو تسوي ,ودت سلطان عند الخدامه و قالت لها : لا تخليه بروحه
و بسرعه شلت التيلفون ودقت حق ربيعتها عووش
مريم:الو عووش
عايشه : هلا ...شو فيه صوتج؟ خير ؟
مريم وهي خايفه و بصوت واطي: ساره ردت
عايشه: شوو؟ دخيلج مريوم لا تمزحين في هذا الموضوع
مريم : عووش انا ما امزح الموضوع جد
عايشه: مريوم انتي متاكده؟
مريم:والله ما اكذب عليج
عايشه: بس هذا الموضوع مر عليه اكثر من عشر سنوات
عايشه : اسمعي انتي لا تخافي انا الحين بمركم
مريم: ياليت و الله بس لا تتاخري علي
تمت مريم تتريا ..و بعد ربع ساعه وصلت عايشه ومعاها مهره و شما
يوم دخلوا البيت لقوا مريم يالسه على الكنب و لونها مخطوف
ساروا صوبها..وسلموا عليها
مهره: يا مريوم تعوذي من الشيطان .. يمكن انتي تتخيلين
مريم: اي خيال؟ تعرفين شو استوى ؟ الحين هي ورى عيالنا ..يعني ما بتفارقفنا
شما: لا تذكروني فيها انا ما صدقت اني نسيت اللي استوى
عايشه: لحظه ... اخاف هذي تتطلع لنا مره ثانيه
شما: يميي انا ما فيني...انا تعبت نفسيا
مريم: ليش انتي بروحج اللي تبهدلتي
ويلسوا الجماعه يتذكرون اللي صارلهم و رجعوا بذكرياتهم عشر سنوات ورى
^
^
^
^
2007
عند بوابة جامعة بوظبي
مريم : لا حوول شوفوا بنات التوطين بعدهم عايشات...هذول مستوطنين مش توطين (هذا الكلام اول ما دخلو من باب الجامعه)
مهره: الا مستعمرين
شما : و الله ما قمت اشوف ربيعاتي من سبتهم
مريم : ليش ؟ نحن بنات الجيران؟
شما: هيه انتي ام خماس و الاخت السرحانه ام سلوم
عايشه: هههههههه حلوه حلوه(وتصفق... هذي حركتها)
مريم: اقول ...وين لطوف ما شفتها؟
شما: اكيد بعدها في البيت
مهره:الو.. السلام عليكم .. شحالج؟ شخبارج؟علومج؟ وين انتي ؟
لطيفه: هههههههه... بسم الله شوي شوي
يلا هني عند باب الجامعه
مهره : اوكي .. نحن في الكانتين
مريم:ها عووش وين ؟؟ لا تقولي اللاب
عايشه وهي سايره عنهم : .... اللاب
مريم : انتي تداومن في اللاب اكثر عن شيرلي(اللي تشتغل في اللاب), شكلج حاطه عينج على معاشها *_^
مهره و شما: ههههههه
هذي هي شلة (المني جيرلز) لان طولهم ما يتعدى 159 سم...
بس و الله حلوه اشكالهم مع بعض كانهم طقم ^_^ ,هذي الشله الكل يحسدهم (اونه),لانهم وايد كلوز بالرغم انهم تعرفوا على بعض في الجامعه...
بعد الكلاس كل وحده اتدق على الثانيه و تسال عن مكانها
شما:اقول مريومي دقي على مهرو و عووش و قوليلهم انه نحن في الكانتين
مريم: لاااااا... كم مره اقول لكم انا ابغي اسوي دايت مش ناقصني,وانتي ما تشبعين ؟
(ترا محد ضعيف غير شمو و عووش)
لطيفه:ههههههه و ياليت يبان فيها
مريم: يلا بنسير اللاب في الطابق الاول و هم اكيد هناك
شما: هذي اكيد مهرو على الجات
مريم: اقول تعالوا اقروا هذا الاناونسمنت(الاعلان ...بنات جامعه لازم بالانجلش)وابتسمت لهم يعني شو رايكم
لطوف: اهوووو .. متفيقه
شمو:هيه و الله ... يلا امشوا
مريوم: والله انكم كحيانات
ويوم وصلوا عند مهاري و عووش
مريم و هي متحمسه: عووشي
عايشه: يس.. ..(البنيه تشتغل على الكمبيوتر)
مريم:قريتي الاعلان؟؟
عايشه:هيه...(بكل برود), انزين
مريم: شو انزين؟؟ شو رايج؟؟
عايشه: يلا.. ركزي في دراستج ابرك
مريم: يا ربيييي
مهره: شو السالفه؟؟
شما: عيوز مخالفه هههه
مهره: هاهاهاهاها
مريم : قريتي الاعلان
لطيفه : و هي من متى تقرا
مريم : لا و اذا قرت تقرا غلط
شما: اونه؟
مريم: تصدقون انه مره قرت انهم بيعطون كورسات في التصوير .. و الحلوه سارت سجلت اسمها
تعرفون شو طلع ؟؟
البنات : شو ؟؟
ومهروا متفشله
مريم: اللي يبغي يتصور عشان تنحط صورته في كتيب الجامعه يسجل اسمه هههههههههههههههههههههه
و الحبيبه اول اسم
الكل:هههههههههههههههههههههه
مهره: انزين ما استوى شي.. المهم شوعندكم
مريم : يا طويلة العمر .. انا بخبرج السالفه (هني البنات هدوا كل اللي في ايديهم عشان يسمعون لمريوم) .... الجامعه حاطه مسابقه افضل انتاج لفلم
مهره: حلوو
شما: ليش بيحولون الجامعه لستيديو؟؟
عايشه: لا يالذكيه ...ترا هاليومين موضه.... ما تحضرين افلام الامارات؟
مهره: انزين يا ام الافكار كملي
مريم: نحن بنألف قصه و بنصورها وبنقدمها... واحسن قصه وتصوير بتفوز
و بعدين بيعطونا كورسات في التصوير و الانتاج و.......
مهرو: حلو
عايشه : خلاص ...وين المشكله
مريم(شوي و تكفخ عووش) : يالله على هذي البنيه بارده,......افف..المهم انا بكتب القصه
مهره: انا و لطوف و مريوم نحب التصوير و..
شما:ونحن خلف الكواليس يعني؟؟
مهره: يا الله على الملقوفه ....اصبري انزين
شما: صبرت ... شو؟؟
مريم: انتو بتمثلوا .. واذا ما عجبنا تمثيلكم بنخليكم كمبرس(يعني اللي مالهم دور مهم في الافلام)... خخخخ
عايشه: لا و الله احلفي
مريم: اخاف حاطه عينج على دور البطله
مهره و شما مع بعض : انا البطله
مريم: لا حبايبي اللي بيكتب القصه هو اللي بيحدد
لطيفه: الحين القصه عن شو بتكون ؟؟
شما:اممم.. شورايكم قصة حب
عايشه و مريم : اعععععييييي
مهره و هي تسوي حركه غريبه بعيونها اونها بتقنعهم : يالله يا مريوم و الله بيكون حلو(انتو لو تسمعون كلمة ياالله من مهاري....تجنن)
شماو هي منقهره: انزين يا عتريسه ...اخاف تسوينها اكشن
مريم: هيه و انا جاكي شان
الكل: هههههههههه
لطيفه : انتوا دائما تقلبونها مزح و ضحك مالت ما منكم فايده
عايشه : لا الحين صدق لازم نحدد ... لانه بكره لازم نحط اسماءنا وعنوان القصه
فجأه مريم : اهااااااااا عرفت ... شورايكم بقصة رعب؟؟ ( تقولها
وتضحك بعدها بضحكه شريره)هاههاهااا
مهره: اعوذ بالله .. ليش نحن ناقصين افلام رعب يكفي اللي نقابلهم كل يوم
(تقصد ربيعاتها)
مريم:يحليلج انتي لين الحين تشوفينهم يوم توقفين قدام المنظره؟؟؟!!!!
عايشه :هههه.... حلوه حلوه...(وتصفق)
مريم: انزين شو رايكم عشان نرضي الجميع نسويها قصه حب و رعب
لطيفه : ما يركب يا فالحه
مريم : ليش ما يركب...قصتنا و كيفنا حتى لو نبغي نقدر نخلي عاصمة الامارات ..تايلاند
عايشه :ههه ..حلوه (بس هذي المره بدون تصفيق خخخخ)
مهره : ليش تايلاند بالتحديد؟؟
مريم : لانه ما جا في بالي غيرها
المهم .. يلسوا البنات في اللاب و كل وحده تعطي الثانيه فكره و اخيرا وصلوا لاتفاق بعد حشره وتعليقات مالها اول ولا تالي
ترا القصه فيها وايد احداث و اكشن ......
بس منو تتوقعون ساره اتكون ؟؟
و شو القصه اللي كتبوها البنات؟
موضوع: الرعـــــــــــــــــب فـــــي جامــــــــعـــة بوظــــــبي ҳ̸Ҳ̸ҳ 
الثلاثاء أكتوبر 07, 2008 4:33 am